1954 онд “Гадаадын иргэдэд үйлчлэх товчоо” хэмээх байгууллагыг байгуулсан тэр цагаас Монголд аялал жуулчлал хөгжиж эхэлсэн гэж үздэг. Харин өнөөгийн аялал жуулчлалын зах зээлийн хөгжил 1990 оноос хойш эхэлсэн гэж ойлгож болно. 1995 онд Ерөнхий сайд агсан П.Жасрайн Засгийн газрын үед Монголд оронд Аялал жуулчлалыг бүсчлэн хөгжүүлэх №167 тогтоол гарч байсан бол 2000 оны 05 дугаар сарын 05-нд УИХ-аас МОНГОЛ УЛСЫН АЯЛАЛ ЖУУЛЧЛАЛЫН ТУХАЙ ХУУЛЬ-г батлан гаргасан нь энэ салбар эрх зүйн зохицуулалттай хөгжих үндэс болсон. 1999 онд Засгийн Газрын Хэрэгжүүлэгч Агентлаг Аялал жуулчлалын газрыг байгуулж байсан бол 2005 онд Зам, Тээвэр, Аялал жуулчлалын яамыг шинээр байгуулсан.