Дэлхий нийтээр мэдээллийн эрин зуунд шилжиж буй өнөө үед мэдээллийг автоматаар боловсруулах, хэрэглэхийн ач холбогдол улам бүр их болсоор байна. Улс орнууд даяаршилд нэгдэхийн хэрээр гадаад хэл дээрх мэдээллийг хэрэглэх шаардлага хүн бүрт тулгарч байгаа. Энэ хэрэгцээ шаардлагын дагуу дэлхий нийтийн хүн амын дунд мэдээллийн далай болсон интернэт дээр олон хэлээр нийтлэгдсэн мэдээллийг автоматаар өөрийн хэл рүү хөрвүүлэх програм хангамжийг англи, франц, герман, орос, хятад, япон, солонгос зэрэг мэдээллийн технологи өндөр хөгжсөн улсуудад зохиож, ердийн хэрэглээний түвшинд хүрчээ.