Энэхүү судалгааны ажлаар үндэсний тоглоом наадгай болох шагайг техник технологитой хослуулан орчин үеийн тоглоом бүтээх зорилготой. Мөн энэхүү тоглоом нь монголчуудын эртний шагайн наадгайн талаарх мэдлэгийг үр хойчдоо таниулж, сургах, хөгжүүлэх чухал ач холбогдолтой юм. Ингэснээрээ бид эрт дээр үеэс өвлөн авсан өвөг дээдэс минь наадаж ирсэн шагайн наадгайг устаж үгүй болохоос нь сэргийлсэн бүтээл гэдгээрээ онцлог юм. Ямарч насны хүн шагайн наадгайг тоглож сурах бөгөөд хүний хөдөлмөрийг хөнгөвчилөн, тоглох сэдлийг илүү бий болгоно. Тухайлбал тоглоомын явцад морь буулаа гэж бодоход хүний гарны оролцоотой байсан бол энэ удаад робот өөрөө алхаж буусан морины тоогоор нүүх юм. Уг зорилгын үр дүнд зөвхөн нэг шагайны хувьд роботыг алхуулсан үр дүнтэй байгаа. Морь гэж таних гол арга бол гинжин кодоор кодлож, түүний эргэн хөрвүүлж, харьцуулсанаар морь хэмээн ялгаж авсан юм.