Бидний амьдарч байгаа ирэн зуун бол мэдээлэл технологийн ирэн зуун гэдгийг хэнээр ч хэлүүлэхгүй бид сайн мэдэх билээ. Технологийн хөгжил нь аливаа зүйлийг амар хялбар болгох мөн хүний хөдөлмөрийг хөнгөвчлөх нийгэмд тулгамдсан асуудлуудад шийдэл олж байдаг. Манай улсын хувьд технологийн дэвшлийг салбар бүрд мэдэрч байгаа хэдий ч шийдвэрлээгүй үлдсэн маш олон зүйлс одоо ч байсаар байна. Энэ олон зүйлсийн дундаас бид шийдэж чадах зүйлсээ тодорхойлоод өөрсдөө сэтгээд бүтээгээд хөгжөөд явах олон боломж бидний эргэн тойронд байсаар байна. Энэхүү төгсөлтийн ажил бол олон нийтийн газрын зориулалт бүхий хүний амьсгал дахь алкохол хэмжих төхөөрөмж юм. Олон улсад энэхүү төхөөрөмжийн олон загварууд байдаг хэдий ч олон нийтийн зориулаттай төхөөрөмж ховор байдаг. Архи гэдэг бол нийгмийн дайсан бөгөөд олон хүмүүс хэтрүүлэн хэрэглэснээс болж янз бүрийн асуудлуудад ордог ба эдгээрээс бага ч болов сэргийлэх үүднээс энэхүү төхөөрөмжийг бүтээж байгаа билээ. Төхөөрөмжийг бүтээхэд судалгаа болон хамгийн зөв шийдлийг олж шат дараалалтай хийж хэрэгжүүлэх болно. Тухайн бүтээл нь нийгэмд ашиг тустай зүйл болно гэж найдаж байна.