Өнөө цаг үед технологийн хөгжил нь хүний амьдралыг илүү хялбар болгож, бидний хүрээлэн буй орчинд нөлөөлөхийн зэрэгцээ технологийн хүгжилд суурилсан үйлчилгээг авах гэсэн хүмүүсийн эрэлт хэрэгцээ өсөж байна. Энэхүү хурдацтай хөгжил нь бүхий л салбарт нөлөөлж байгаагаас боловсролын салбарт маш их боломжуудыг олгож байна. Жишээ нь: үүлэнд суурилсан боловсролын сүлжээг бий болгож, боловсрол болон үүлэн технологи хоорондын заагийг бүрэн арилгаж ирээдүйн боловсролын чиг хандлагыг өөрчилж үүлэнд суурилсан сургалтын орчинг бий болгож байна. Гэвч энэхүү алхам нь хялбар биш бөгөөд Уэлманы хэлсэнчлэн "Одоогоор бид 19-р зууны сургалтын хөтөлбөртэй, 20-р зууны бодлого зохион байгуулалттай байгаа тул 21-р зууны суралцагчдын ирээдүй бүрхэг байгаа юм. Тийм ч учраас мэдээлэл тархах, дамжуулах болон хуваалцах хамгийн хурдан замуудын нэг болох ирээдүйн технологид суурилсан боловсролын орчин нөхцөлийг бүрэлдүүлэх нь чухал юм. Үүний тулд Бага насны хүүхдийг заавал сургуульд сургаж мэдлэг олгох бус сургуулийн өмнөх наснаас нь сурч эхлэх боломжтой юм. Үүний тулд Домэйн аргыг ашиглан хүүхдийг 0-3 насанд нь уншиж, тоо бодож сургах аргийг хялбаршуулж цахим хэлбэрээр суралцах чадварыг эзэмшүүлэх зорилготой програм хөгжүүлэхийг зорьсон болно.